२० मंसिर, काठमाडौं । आइसीसी विश्व क्रिकेट लिग च्याम्पियनसिपको अन्तिम चरण अन्तर्गत युएईबिरुद्धको खेलमा नेपाली ओपनर तथा उपकप्तान ज्ञानेन्द्र मल्लले अर्धशतक पूरा गरेका छन् ।
युएईको शेख जायद रंगशालामा उपकप्तान मल्लले २२.५ ओभरमा युएर्इका जहुर खानको बलमा १ रन लिँदै अर्धशतक पूरा गरेका हुन् ।
७७ बल खेलेका ज्ञानेन्द्रले ५ चौका प्रहार गरेका छन् ।
यसअघि अर्का ओपनर दिलिप नाथ १६ रनमा आउट भएपछि आएका शरद भेषावकर १० रन बनाएर खेलिरहेका छन् ।
दोस्रो विकेटका लागि ज्ञानेन्द्र र शरदले अहिलेसम्म ३४ रनको साझेदारी गरेका छन् ।
