आइतबार, २४ मंसिर, २०७४
OnlineKhabar.com

कास्कीका सबै क्षेत्रमा मतदान शान्तिपूर्ण

सन्देश श्रेष्ठ

कास्कीको लेखनाथ-१० को मतदान केन्द्र । तस्वीर: सुदर्शन रञ्जित/अनलाइनखबर

२१ मंसिर, पोखरा । कास्कीमा शान्तिपूर्णरुपमा मतदान जारी छ । प्रतिनिधि सभा र प्रदेश सभा सदस्यका लागि कास्कीका सबै मतदान केन्द्रमा बिहान ७ बजेदेखि नै मतदान शुरु भएको थियो ।

क्षेत्रीय निर्वाचन अधिकृत गंगालाल सुवेदीका अनुसार अहिलेसम्म मतदानमा उत्साहपूर्ण सहभागीता देखिएको छ भने मतदान शान्तिपूर्ण भइरहेको छ ।

अपराह्न ५ बजेसम्म लाइनमा बसेकाहरुले मतदान नसकिएसम्म मतदान गर्न पाउने क्षेत्रीय निर्वाचन अधिकारी सुवेदीले बताए ।

कसैबीच, कास्कीका उम्मेद्वारहरुले मतदान गरेका छन् । कास्की क्षेत्र नम्बर १ का प्रतिनिधि सभाका कांग्रेस उम्मेद्वार यज्ञबहादुर थापा र वाम गठबन्धनका साझा उम्मेद्वार खगराज अधिकारीले मतदान गरेका छन् ।

बहालवाला कानून मन्त्री थापाले पोखरा २६ मा पर्ने भवानी कालिका मावि र अधिकारीले पोखरा ३१ म्ाा पर्ने आनन्दज्योति माविको केन्द्रबाट मतदान गरेका छन् ।

कास्की निर्वाचन क्षेत्र नम्बर २ का प्रतिनिधि सभाका वाम गठबन्धनका उम्मेद्वार रबिन्द्र अधिकारीले पोखरा ३३ भरतपोखरीस्थित शान्ति उदय माविबाट मतदान गरेका छन् भने कांग्रस उम्मेद्वार देवराज चालिसेले पोखरा ८ स्थित जनपि्रय माविबाट मतदान गरेका छन् ।

यसैगरी कास्की ३ का प्रतिनिधि सभाका वाम गठबन्धनका साझा उम्मेद्वार जगत विकले पोखरा १९ लामाचौरस्थित अकला प्राविबाट मतदान गरेका छन् भने कांग्रेस उम्मेद्वार शुक्रराज शर्माले अन्नपूर्ण गाउँपालिका वडा नम्बर ५ सल्यानस्थित शितला मावि केन्द्रबाट मतदान गरेका छन् ।

२०७४ मंसिर २१ गते ९:३४ मा प्रकाशित

सम्बन्धित शीर्षकहरु

अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

मुख्य खबरहरु

यसमा तपाइको मत




फेसबुकबाट तपाईको प्रतिक्रिया

Also you may like this