२१ मंसिर, काठमाडौं । एमाले नेता लालबाबु पण्डितले वाम गठबन्धन देखेर लोकतान्त्रिक गठबन्धनका नेताहरुलाई कामज्वरो आएको टिप्पणी गरेका छन् ।
मोरङ क्षेत्रनम्बर ६ बाट प्रतिनिधिसभा सदस्य उम्मेदवार पण्डितले अनलाइनखबरसँग भने, ‘कतिपय ब्यक्ति चुनाब हारिन्छ र हारेपछि सत्ता जान्छ भनेर बर्बराएका छन् । बर्बरावट भएको बेला काम ज्वरो पनि आउँछ ।’
मोरङ क्षेत्रनम्बर ६ मा वाम गठबन्धनबाट एमाले नेता पण्डितले र लोकतान्त्रिक गठबन्धनबाट नेपाली कांग्रेसका नेता शेखर कोइराला चुनावी प्रतिस्पर्धामा छन् ।
पण्डितले लोकतान्त्रिक गठबन्धनका नेताहरुले संविधान नै नपढेको र संविधान कार्यान्वयन कसरी हुन्छ भन्ने थाहै नपाएको टिप्पणी समेत गरे ।
अनलाइनखबरसँग कुरा गर्दै उनले भने ‘यो चुनाव संविधान कार्यान्वयनको एउटा खुट्किलो हो । चुनावको खुट्किलो पार गरेपछि मुलुक आर्थिक समृद्धि तर्फ अघि बढ्छ ।’
भिडियो हेर्नुस्
