२३ मंसिर, बनेपा । काभ्रेको प्रतिनिधिसभा क्षेत्रनम्बर २ को मतगणना स्थगित भएको छ । बनेपा १० को पुलबजारको बुथको मतगणनामा मुचल्का भन्दा एक सय बढी मत भेटिएपछि विवाद भएको थियो ।
दलहरुबीच विवाद भएपछि मतगणना रोकिएको हो ।
पुलबजारको बुथमा १७ सय ९७ मत खसेको मुचुल्का बनेको थियो तर, गणना गर्दा १८ सय ९७ मतपत्र फेला परेका छन् ।
काभ्रेको प्रतिनिधिसभा क्षेत्रनम्बर २ मा एमालेबाट गोकुल बास्कोटा र कांग्रेसबाट मधु आचार्य उम्मेदवार छन् ।
