१९ पुस, बुटवल । प्रदेश ५ को राजधानी बुटवल हुनुपर्ने माग गर्दै एमाले निकट विद्यार्थी संगठन अनेरास्ववियु संघर्षमा उत्रिएको छ । अनेरास्ववियुले बुटवलमा बुधबार साझ मसाल जुलुस निकालेर बिरोध जनाएको हो ।
प्रदेशको अस्थायी मुकाम दाङलाई तोक्ने तयारी रहेको खबर आएपछि बुटवलमा आन्दोलनको शुरुवात भएको हो । बुटवल बहुमुखी क्याम्पसबाट सुरु भएको अनेरास्ववियुको मसाल जुलुस मिडियाचोकमा पुगेर कोणसभामा परिणत भएको थियो ।
अनेरास्ववियु केन्द्रिय सचिवालय सदस्य यमराज पाण्डेले प्रदेशको राजधानी बुटवलको बिकल्प नै नभएको बताए । उनले राजधानी दाङ बनाएर लुम्बिनी अञ्चलबासीलाइ धोका दिन खोजिएको बताए ।