२६ पुस, ताप्लेजुङ । ताप्लेजुङमा खुकुरी प्रहारबाट मंगलबार एक युवक घाइते भएका छन् ।
मैवाखोला गाउँपालिका–१ का युनिष याकुपाको खुकुरी प्रहारबाट सोही स्थानका २८ वर्षीय पुजन मास्वा (लिम्बु) घाइते भएको जिल्ला प्रहरी कार्यालय ताप्लेजुङले जनाएको छ ।
खुकुरी प्रहारबाट खुट्टामा चोट लागेका पुजनलाई उपचारका लागि जिल्ला अस्पताल ताप्लेजुङ ल्याइएको छ भने खुकुर प्रहार गर्ने युनिष प्रहरीको नियन्त्रणमा रहेको इलाका प्रहरी कार्यालय दोभानले जनाएको छ ।
उनीहरुबीच सामान्य विवाद हुँदा युनिषले खुकुरी प्रहार गरेको पाइएकाले अनुसन्धान जारी रहेको प्रहरीको भनाइ छ । खुकुरी प्रहार गर्ने युनिष सुस्त मनस्थितिको रहेको प्रहरीले बताएको छ ।
