११ माघ काठमाडौं । बुधबार देशभरी पानी परेर चिसो बढ्दा काठमाडौं वरपरका डाँडामा पनि हिउँ पर्यो । काठमाडौंको चन्द्रागिरि, ललितपुरको फूलचोकी लगायतका डाँडामा बाक्लो हिउँ पर्यो । हिमपातले चिसो बढे पनि हिउँ खेलेर रमाइलो गर्नेहरूलार्इ त्यसको परवाह थिएन ।
बुुधबार दिउँसोदेखि हिउँ परेको फूचलोकी डाँडामा बिहीबार विहानसम्म हिउँ जमेको थियो । गोदावरीदेखि १२ किलोमिटर टाढा पर्ने फूलचोकीमा विहानै हिउँ खेल्न पुग्नेहरु हिउँमा चिप्लेटी खेलेर र एक अर्कालाई हिउँको डल्लाले हिर्काएर रमाइलो गरिरहेका थिए ।
सडकमा लपक्कै जमेको हिउँ पग्लिदा हिलो भएकाले मोटरसाइकल चलाउनेहरु समस्यामा परेका थिए । पोखरीको पानीमाथि हिउँ जम्दा पोखरी नै हिउँमय देखिएको थियो ।
