Comments Add Comment

कृषि विकास बैंकको भ्रष्टचारकाण्डमा दिपीकाको आमा पनि मुछिइन्

१५ माघ, काठमाडौं । कृषि विकास बैंक न्यूरोड शाखाको झण्डै ५ करोड रुपैयाँ हिनामिना गरेको अभियोगमा पक्राउ परेकी बैंककी सहायक टेलर दिपिका रेग्मीको आमा समेत सो काण्डमा मुछिएकी छिन् ।

केन्द्रीय अनुसन्धान ब्यूरो (सीआईबी) ले रेग्मीकी आमा पुष्पा पन्त रेग्मीलाई समेत प्रतिवादी बनाएर बैंकिङ कसुरमा मुद्दा दायर गरेको हो । उनी फरार छिन् ।

ब्यूरोका अनुसार पुष्पाको खातामा समेत दिपिकाले रकम ट्रान्सफर गरेको देखिएको छ । सीआईबीका प्रवक्ता जीवन श्रेष्ठले पुष्पालार्इ समेत प्रतिवादी बनाएर आइतबार बैंकिङ कसुरमा मुद्दा दायर गरिएको बताए ।

यसअघि प्रहरीले दिपिकासहित मुख्य प्रबन्धक प्रेमहरि ढुंगेल, इसीसी प्रमुख गोपाल गिरी, कर्जा प्रमुख महेश्वर मरहट्टा, तेह्रथुम घर भइ हाल काठमाडौंको बालाजु बस्दै आएका प्रकाश घतानी र दोलखा घर भइ हाल काठमाडौं बस्दै आएका रमेशकुमार थापालाई पक्राउ गरिसकेको छ ।

यसअघि घटनामा नेपाली सेनाका जर्नेल रमेश बिष्ट समेत मुछिएका थिए । उनका खातामा समेत ट्रान्सफर गराएको रकम भेटिएको थियो ।

यो पनि पढ्नुस् 

झण्डै ५ करोड हिनामिनाको अभियोगमा कृषि विकास बैंकका कर्मचारी पक्राउ

कृषि विकास बैंकको भ्रष्टाचार काण्डमा न्यूरोड शाखा प्रबन्धकसहित दुई पक्राउ

कृषि विकास बैंक घोटाला प्रकरणमा मुछिएका जर्नेल सैनिक हिरासतमा

यो खबर पढेर तपाईलाई कस्तो महसुस भयो ?

ट्रेन्डिङ

Advertisment