२९ माघ, काठमाडौं । राष्ट्रिय क्रिकेट टिमका सदस्य अनिलकुमार शाहले आईसीसी विश्व क्रिकेट लिग डिभिजन टू अन्तर्गत केन्याविरुद्धको खेलमा डेब्यु गरेका छन् ।
केन्याविरुद्धको खेलमा उनलाई नेपाली कप्तान पारस खड्काले राष्ट्रिय टोलीको क्याप हस्तान्तरण गरे ।
यसअघि पनि राष्ट्रिय टिममा स्थान बनाएका ब्याट्सम्यान अनिलले राष्ट्रिय टिमबाट पहिलो पटक मैदान उत्रिन लागेका हुन् । नामिबियाको विन्डहकमा केन्याविरुद्धको खेलमा नेपालले टस जितेर पहिले फिल्डिङ गरेको छ ।
