प्रेम दिवसमा अमृतको ‘मग मग’

भ्यालेन्टाइन डे लाई लक्षित गर्दै गायक अमृत क्षेत्रीले ‘मग मग’ लिएर दर्शक तथा श्रोतासामु आएका छन् । गीतमा अमृतसँगै उनकै श्रीमती संगीता क्षेत्रलाई फिचरिङ गरिएको छ । गीतको भिडियोमा यी दुईको प्रेमलाई देखाइएको छ । गीतमा एक अर्काको प्रेमको चर्चा गरिएको छ ।

गीतलाई माया गर्ने जोडीले रुचाउने विश्वास गायक क्षेत्रीले लिएका छन् । गीतमा माया आभास गराउने मोमेन्ट राखिएको छ । गीतमा एक नारायण भण्डारीको शब्द र दीपक शर्माको संगीत छ ।

गीतलाई बुद्ध थापा र उनको टिमले छायाँकन गरेका हुन् भने यसलाई विकास धमलाले सम्पादन गरेका हुन् । गीतलाई निकेश खड्काले निर्देशन गरेका हुन् ।