१६ फागुन, काठमाडौं । अनलाइनखबरकर्मी विक्रम रौनियार उद्यमशीलतासम्बन्धी तस्वीर प्रतियोगिता ‘उद्यमीको कथा : एक तस्वीर प्रतियोगिता’को विजेता बनेका छन् ।
समृद्धि फाउण्डेसनले सञ्चालन गरेको उक्त प्रतियोगितामा रौनियारले खिचेको साना तथा लघु उद्यमीको तस्वीर उत्कृष्ट हुँदै ५० हजार रुपैयाँ पुरस्कार जितेको हो ।
गत जनवरीको ५ देखि २० तारेखसम्म गरिएको तस्वीर प्रदर्शनीपछि उत्कृष्ट फोटो चयन गरिएको हो ।
प्रतियोगितामा आभास कर्माचार्यले खिचेको तस्वीरले ३० हजार र सागर पौडेलले खिचेको तस्वीरले २० हजार रुपैयाँ पुरस्कार पाएको छ । अमित वनमालाले विशेष पुरस्कारस्वरुप स्मार्टफोन पाएका छन् ।
