१७ फागुन, काठमाडौं । प्रहरीले काठमाडौं उपत्यकाको विभिन्न स्थानबाट होलीमा जबरजस्ती रङ्ग दल्न खोज्ने १स य ६७ जनालाई पक्राउ गरेको छ ।
जबरजस्ती रंग दल्ने, लोला हान्ने, पानी छ्याप्ने लगायतका अबाञ्छित गतिविधिमा संलग्न भएको आरोपमा उनीहरुलाई पक्राउ गरिएको छ ।
काठमाडौँबाट १ सय ६० जना, ललितपुरबाट ३ जना र भक्तपुरबाट ४ जना पक्राउ गरेको प्रहरी प्रधान कार्यालयको केन्द्रीय समाचार कक्षले जनाएको छ ।
उनीहरूमाथि सार्वजनिक अपराध एेन अन्तर्गत मुद्दा चलाउने तयारी भइरहेको जनाइएको छ ।
साथै, ट्राफिक नियम उल्लंघन तथा मादक पदार्थ सेवन गरी सवारी चलाएको अवस्थामा ५ सय २३ वटा मोटरसाइकललाई समेत प्रहरीले नियन्त्रणमा लिएको छ ।
