सोमबार, ११ असार, २०७५
Ruslan
OnlineKhabar.com
Suzuki
Advertisment
SKIP THIS
Advertisment
SKIP THIS

मकैका रहरलाग्दो घोगा लाग्यो, दाना लागेन

Suzuki
सुरेश बिडारी


२९ फागुन, वीरगञ्ज । मकैको घोगामा दाना नलागेपछि पर्साको सखुवा प्रसौनी गाउँपालिका १ मधुवन मथवलका किसान मर्कामा परेका छन् । मधुवन मथवलको औराहा, सिद्धपुर सथवलमा लगाइएको करिब ३ बिगाहमा लगाएको मकैमा दाना लागेको छैन ।

दाना नलाग्दा झण्डै पौने पाँच लाख रुपैयाँको नोक्सान भएको किसानहरुको गुनासो छ । ‘बोटमा रहरलाग्दो मकैको घोगा भयो तर, घोगामा एउटा पनि दाना लागेन’ किसानहरु भन्छन् ‘मकै भित्र्याउने बेला हुन लाग्दा समेत दाना नभएपछि ट्रयाक्टर लगाएर जोत्नुको विकल्प देखिएन ।’

किसानहरुले मकैबाली जोतेर अर्को खेती गर्न शुरु गरेको दिनेश तिमिल्सिनाले जानकारी दिए । ‘चैतको पहिलो वा दोश्रो सातामा मकै भित्र्याइन्छ । घोगामा दाना नलागेपछि किसानहरुले जोतेर अर्को बाली लगाउन सुरु गरेका छन्’ उनले भने ।

किसानहरुले उन्नत जातका बन्नी, डे्रगन, श्रेस्ता, सिपी ८३८ नामक हाइबि्रड मकै रोपेका थिए । कृषि प्राविधिकको परामर्श अनुसार भिटामिन, मल, कीटनाशक औषधीको प्रयोग गर्नुको साथै आवश्यक सिञ्चाइको समेत प्रबन्ध गरिएको किसानहरु बताउँछन् ।

किसानले बाराको जीतपुर बजारमा रहेको किसान बिज भण्डारबाट मकैको बीउ किनेका थिए । बीउ बिक्रेता शिवनारायण चौधरीले मकैको बीउ आयातकर्तासँग कुरा गर्ने आश्वासन दिएको स्थानीय किसानले बताए ।

मकैमा दाना नलागेको गुनासो आएको जिल्ला कृषि कार्यालय पर्साका प्रमुख वरिष्ठ कृषि विकास अधिकृत वीरेन्द्र सिन्हाले जानकारी दिए । ‘पहिला पहिला पनि मकैमा दाना नलाग्ने समस्या देखिएको थियो, त्यो समयमा मौसम अनुकुल नभएर दाना नलागेको बताइएको थियो ।

१० डिग्री सेल्सियस भन्दा कम तापक्रम लामो समयसम्म रह्यो भनेे यस्तो समस्या आउँछ’ उनले भने । तर यसको खास कारण के हो अनुसन्धान नगरी भन्न नसकिने उनले बताए ।

२०७४ फागुन २९ गते १५:३६ मा प्रकाशित
Grace
Grace

सम्बन्धित शीर्षकहरु

अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

मुख्य खबरहरु

१ प्रतिकृया प्राप्त
  • rajhaans लेख्नुहुन्छ    |   २०७४ फागुन २९ गते १६:३८

    अन्यत्र भूगोलमा भइरहेको विकासको, अन्धाधुन्ध हुने आयातको एउटा अर्को उदाहरण .

    0
    1
    Share

यसमा तपाइको मत




फेसबुकबाट तपाईको प्रतिक्रिया

Also you may like this