१३ चैत, नेपालगन्ज । बाँकेको कोहलपुरको मदनचोकमा साथीसँगै खेलिरहेकी ६ वर्षीया बालिकालाई गोबर -भैसीको दिसा) खुवाइएको छ ।
कोहलपुर नगरपालिका-३ मदनचोककी गीता परियारले पानी तान्ने मोटर बिगारेको भन्दै ती बालिकाको मुखमा गोबर कोच्याइदिएकी हुन् ।
बालिका सोमबार साँझ ६ बजेतिर साथीसँग खेल्दै गरेको अवस्थामा पानी तान्ने मोटर बिगारेको आरोप लगाउँदै ५० वर्षीया परियारले गोबर खुवाइदिएको प्रहरीले जानकारी दिएको छ ।
इलाका प्रहरी कार्यालय कोहलपुरले बालिकालाई गोबर कोच्याएको अभियोगमा परियारलाई नियन्त्रणमा लिएर अनुसंधान अघि बढाएको जनाएको छ ।
प्रहरी स्रोतका अनुसार बालिकालाई मेडिकल गरी अनुसंधान सुरु गरिएको छ ।