१३ चैत,काठमाडौं । न्यायपरिषदले भावी प्रधानन्यायाधीशको सिफारिसका लागि संवैधानिक परिषदलाई तीनजना वरिष्ठतम् न्यायाधीशहरुको अभिलेख पठाएको छ ।
परिषदको मंगलबारको बैठकले कामु प्रधानन्यायाधीश दीपकराज जोशीसहित वरीयताका आधारमा दोस्रो र तेस्रो नम्बरमा रहेका ओमप्रकाश मिश्र र चोलेन्द्र शमसेर जबराको अभिलेख संवैधानिक परिषदमा पठाएको हो ।
तत्कालीन प्रधानन्यायाधीश गोपालप्रसाद पराजुलीले राजीनामा दिएपछि रिक्त पदमा नियुक्त हुन बाँकी छ । संवैधानिक परिषदले सिफारिसमा राष्ट्रपतिले प्रधानन्यायाधीश गर्ने संवैधानिक व्यवस्था छ ।
न्यायपरिषदले वरिष्ठतम् न्यायाधीशको अभिलेख पठाएको सचिव नृपध्वज निराैलाले बताए ।
सामान्यतः सर्वाेच्च अदालतका वरिष्ठतम् न्यायाधीश नै प्रधानन्यायाधीश हुने परम्परा छ । अन्य दुई न्यायाधीशको नाम अभिलेखका रुपमा मात्र पठाइने प्रचलन छ ।