Comments Add Comment

स्रोत नखुलेको २० लाख रुपैयाँसहित एक जना पक्राउ

१९ वैशाख, काठमाडौं । महानगरीय प्रहरी वृत्त, कालिमाटीले स्रोत नखुलेको २० लाख रुपैयाँसहित एक जनालाई पक्राउ गरेको छ । पक्राउ पर्नेमा चितवनको भरतपुर महानगरपालिका–२ का ३७ वर्षीय रमेश सापकोटा छन् ।

उनलाई काठमाडौं–१३, सोल्टीमोडमा नियमित चेकजाँचका क्रममा बा १३ च ५६०२ नम्बरको स्कोर्पिसोमा खानतलासी गर्दा उक्त रकमसहित नियन्त्रणमा लिइएको हो ।

काठमाडौं प्रहरी परिसरका अनुसार पक्राउ गरेका सापकोटा, बरामद गाडी र रकमलाई थप अनुसन्धानका लागि सम्पत्ति शुद्धिकरण विभागमा पठाइएको छ ।

यो खबर पढेर तपाईलाई कस्तो महसुस भयो ?

ट्रेन्डिङ

Advertisment