आइतबार, १३ जेठ, २०७५
Ruslan
OnlineKhabar.com
Suzuki

संसदमा एमाले सांसदको प्रश्न – मुख्यमन्त्रीलाई प्रशिक्षण दिने कि नदिने ?

Suzuki
अनलाइनखबर

२ जेठ, काठमाडौं । संघीय संसदमा सत्तारुढ दलका सांसदले प्रदेश २ का मुख्यमन्त्री लालबाबु राउतलाई प्रशिक्षण दिन माग गरेका छन् ।

बुधबार प्रतिनिधिसभा बैठकको विशेष समयमा बोल्दै एमाले सांसद निरु पालले मुख्यमन्त्रीलाई प्रशिक्षण दिने कि नदिने भनी सरकारलाई प्रश्न गरेकी हुन् ।

‘हामी वामपन्थीहरु त अध्ययनशील हुन्छौं, प्रशिक्षण लिउँला, तर त्यस्ता मुख्यमन्त्रीलाई प्रशिक्षण दिने कि नदिने म सरकारको गम्भीर ध्यानाकर्षण गराउँछु’ उनले भनिन् । भारतीय प्रधानन्त्री नरेन्द्र मोदीको नागरिक अभिनन्दनका क्रममा जनकपुरमा आयोजित कार्यक्रममा प्रदेश २ का मुख्य मन्त्री लालबाबु राउतले विभेदकारी संविधानविरुद्ध संघर्ष गरिरहेको अभिव्यक्ति दिएका थिए ।

मोदी आएका बेला जनकपुरमा नेपाली राष्ट्रिय झण्डाको आकार र रङ थाहा नपाउने कर्मचारीलाई मात्र नभइ मुख्यमन्त्रीलाई समेत स्पष्टीकरण सोध्नुपर्ने सांसद पालले बताइन् ।

राष्ट्रियताको सवालमा पछिल्लो समय प्रधानमन्त्रीका बारेमा विभिन्न टीका टिप्पणी भइरहेको भन्दै उनले तत्कालिन समयमा नाकाबन्दीलाई होइन भन्नु र प्रधानन्त्रीले सम्बन्ध सुधार्नुपर्छ भनेर मित्रराष्ट्र भारतका प्रधानमन्त्रीलाई स्वागत गर्दा लम्मसारवाद भन्नु दुवै अतिवाद हुने टिप्पणी गरिन् ।

सांसद छक्कबहादुर लामाले हुम्लामा सडक सुविधा तत्काल पुर्‍याउन सरकारको ध्यानाकर्षण गराए ।

सार्वजनिक सुरक्षा ऐनको शिकार तल्लो वर्गका मात्रै पर्ने गरेको र माथिल्लो वर्गलाई नछोएको भन्दै उनले खारेज गर्न सरकारको ध्यानाकर्षण गराए ।

उनले भने ‘यो राज्य नर्क हो कि के हो ? सार्वजनिक ऐनलाई खारेज गर्नुपर्छ । यो ऐनको शिकार निमुखा मात्रै हुने गरेका छन्, पुलिसलाई मन नपर्ने वित्तिकै सार्वजनकि मुद्दा लगाउने काम भएको छ ।’

२०७५ जेठ २ गते १४:५७ मा प्रकाशित

सम्बन्धित शीर्षकहरु

अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

मुख्य खबरहरु

५ प्रतिकृयाहरू प्राप्त
  • kusan sharma लेख्नुहुन्छ    |   २०७५ जेठ २ गते १५:०७

    प्रदेश २ का मुख्यमन्त्री लगायत,

    धेरै सभासदहरु,प्रशिक्षित भइ सके,

    उतैबाट,

    सके स्पष्टीकरण सोधेर,

    नसिहत देओस्,

    नसक्ने हो भने,

    यो हल्ला(राउत बिरुद्ध)अब बन्द गर l

    11
    1
    Share

  • comred Pastar लेख्नुहुन्छ    |   २०७५ जेठ २ गते १६:३७

    kam kam binakam ko halla

    0
    3
    Share

  • rajendra singh bhandari लेख्नुहुन्छ    |   २०७५ जेठ २ गते १८:०४

    सही टिप्पणी गर्नु भएको तालिम को आवशआ्यकता जरुरी छ।

    0
    1
    Share

  • Dolma Sherpa लेख्नुहुन्छ    |   २०७५ जेठ २ गते २०:०१

    एमाले को कर्मचारी हो र मुख्यमंत्री ???

    3
    1
    Share

  • Chandra लेख्नुहुन्छ    |   २०७५ जेठ ३ गते १:५५

    निरु पाल जी, मु.मन्त्रि लालबाबू राउतलाइ भन्दा पनि प्र.मन्त्रि अोलीलाइ तालिम दिनु पर्ला। ओलीको “थुतुनो” को कुनै भर छैन। उखान-टुक्का त ठीकै छ कहिलेकाहि त “उटपट्याँग” को पनि हद गर्छन। उदाहरणकोलागि, देउबा र प्रचण्ड प्र.म. हुदाँ भारत भ्रमण गर्दा लम्पसारबाद रे। आफुले गर्दा रास्टबाद र समृद्दी रे।

    तेस्तै मधेशलाइ बिहार र मधेशीलाइ “माकाफुँइ” भन्नेले अस्ति मोदी आउदा देख्नु भो होला नि “कुर्ता, गाम्छा अनि राजस्थानी” रुप: REEL life हो कि REAL life ठम्याउन नै गार्हो!!!

    0
    0
    Share

यसमा तपाइको मत




फेसबुकबाट तपाईको प्रतिक्रिया

Also you may like this