१२ असार, काठमाडौं । अघिल्लो चरणमा जाने अन्तिम आश बाँकी रहेको अर्जेन्टिनाले मंगलबार राति पौने १२ बजे नाइजेरियाको सामना गर्दै छ । अर्जेन्टिनाले जित्नै पर्ने खेलमा लयमा रहेका सर्जियो अग्युरोलाई भने बेञ्चमै राखेको छ ।
गोलकिपर विली क्याबलेरोको स्थानमा भने फ्रान्को अरमानीलाई खेलाइने भएको छ । अरमानीको अर्जेन्टिनाबाट यो पहिलो खेल हुनेछ ।
विश्वकपमा यसअघिका चार भेटमा चारै खेल एक गोल अन्तरले हराएको अर्जेन्टिनाले मंगलबार नाइजेरियाविरुद्ध खेलाउने सम्भावित सुरुवाति ११ मा अग्युरोसँगै पाउलो डिबाला पनि छैनन् । लियोनल मेस्सी र गोन्जालो हिग्वेनलाई फरवार्ड खेलाइँदै छ ।
समूह ‘डी’ बाट क्रोएसिया अघिल्लो चरणमा पुगिसकेको छ भने आइसल्याण्ड, नाइजेरिया र अर्जेन्टिनामा एक टिम अघिल्लो चरणमा जाने छ । नाइजेरियाको तीन अंक छ भने आइसल्याण्ड र अर्जेन्टिनाको एक एक अंक छ ।
यस्तो छ सुरुवाती ११
गोलकिपर – फ्रान्को अरमानी
डिफेन्डर – गार्बियल मार्सेडो, निकोलस ओटामेन्डी, निकोलस टेग्लाफिको, मार्कोस रोजो
मिडफिल्डर – इभर बानेगा, जेभियर मास्चेरानो, एन्जो पेरेज, एञ्जेल डि मारिया
फरवार्ड – लियोनल मेस्सी, गोञ्जालो हिग्वेन
नाइजेरियाको सम्भावित सुरुवाती ११
गोलकिपर – फ्रान्सिस उजो
डिफेन्डर – केनेथ ओमेरु, विलियम इकोङ, लियोन बलोगुन, टेरोन इबुही
मिडफिल्डर – विलफ्रेड एनडिडी, जोन ओबी मिकेल, ओगेनकारो इटेबो, भिक्टर मोसेस
फरवार्ड – केलेची इहेनाचो, अहमद मुसा
