१७ असार, रौतहट । पूर्व–पश्चिमअन्तर्गत रौतहटको लमाहा जंगलमा अज्ञात समूहले रोकी राखेको ट्रकमा आगजनी गरेको छ । शनिबार दिउँसो ३ बजे ना ३ ख ३८४२ नम्बरको ट्रकमा अज्ञात समूहले आगजनी गरेको हो ।
आगलागीबाट ट्रक पूर्ण रुपमा क्षति भएको छ ।
ट्रकमा आगो लागेसँगै चन्द्रपुर नगरपालिकाको वारुण यन्त्र र प्रहरी आगो नियन्त्रणका लागि गए पनि सफल हुन सकेन ।
इलाका प्रहरी कार्यालय, चन्द्रनिगाहपुरका अनुसार, ट्रक कसको हो भन्ने खुलेको छैन ।
प्रहरीले आगो लगाउने समूहको खोजी भइरहेको जनाएको छ । यसअघि पनि यो क्षेत्रमा यस्तै प्रकृतिको घटना भएको थियो ।