Comments Add Comment

वर्षाले भरतपुरमा हवाइ सेवा प्रभावित

१८ असार, चितवन । अविरल वर्षाका कारण भरतपुरमा हुने उडान रोकिएका छन् ।

काठमाडौंबाट भरतपुर र पोखराबाट भरतपुर हुने उडान रोकिएको नागरिक उड्डयन प्राधिकरण कार्यालय भरतपुरका प्रमुख पवन गौत्तमले जानकारी दिए ।

विहान ९ बजे हुनुपर्ने उडान मध्यान्ह १२ बजेसम्म भएन । ‘पानी कहिले बढ्ने र कहिले घट्ने क्रम जारी नै छ, तल्लो तहमा समेत बादल भएकोले हवाइ उडान हुन नसकेको हो,’ विमानस्थलमा प्रमुख गौत्तमले भने, ‘मौसम क्लियर नभएसम्म उडान हुँदैन ।’

सोमबार भरतपुरबाट काठमाडौं र पोखरा गरी बुद्ध एयरको ७ वटा, यति एयर लायन्सको २ वटा र सिमि्रक एयर लायन्सको एक वटा उडान हुनुपर्ने थियो ।

यो खबर पढेर तपाईलाई कस्तो महसुस भयो ?

ट्रेन्डिङ

Advertisment