शनिबार, ५ साउन, २०७५
OnlineKhabar.com
Suzuki

लेनदेनमा मिल्छ अस्पतालमा मृत्युको घटना : न उजुरी, न कारबाही

Suzuki
ध्रुव भट्टराई

फाइल तस्वीर

२८ असार, विराटनगर । गएको हप्ता प्रसुति गराउन भर्ना भएकी बिरामीको मृत्यु भएपछि विराटनगरस्थित नोवेल मेडिकल कजेजले मृतकका परिवारलाई ५ लाख रुपैयाँ क्षतिपूर्ति दिने सहमति गर्‍यो ।

सुनसरीको गढी गाउँपालिका-६ कि चाँदनी मेहता शनिबार बिहान सकुशल बच्चा जन्माएकी मेहताको त्यही दिन दिउँसो मृत्यु भएको थियोे ।

डाक्टरको लापरवाहीले विरामीको मृत्यु भएको भन्दै पीडित पक्षले अस्पतालमा प्रदर्शन गरे र अस्पताल क्षतिपूर्ति दिन तयार भयो ।

गएको चैत १७ मा चिकित्सकको लापरवाहीका कारण विरामीको मृत्यु भएको भन्दै विराटनगरस्थित न्यूरो अस्पतालमा मृतकका आफन्तले तनाव सिर्जना गरे ।

ब्रेन ट्युमरको शल्यक्रिया गर्न अस्पताल भर्ना भएकी धरान निवासी लिना मल्लको मृत्यु भएको थियो । अस्पतालले बिरामीको उपचारका क्रममा अहिलेसम्म उठेको बिल मिनाहा गर्दै केही रकम क्षतिपुर्ती दिएर विवादलाई सामसुम बनायो ।

यी दुई घटनाले देखाउँछन्, पछिल्ला समय विराटनगरमा बिरामीको आकस्मिक मृत्यु भएको अवस्थामा मृतकका आफन्तले अस्पतालमा तनाव सिर्जना गर्ने र अस्पतालले क्षतिपूर्ति तिर्ने क्रम बढ्दै गएको छ ।

यसमा चिकित्सकको लापरवाही हो कि होइन भनेर अहिलेसम्म खोजी गरिएको छैन । पीडित परिवारमात्र होइन, अस्पताल प्रशासनले पनि लापरवाही हो वा होइन भनेर खोजी गर्नुभन्दा क्षतिपूर्ति दिएर घटनालाई सामसुम पारेको पाइन्छ ।

उपचारको क्रममा लापरवाही नै भएको रहेछ भने पनि दोषीमाथि कारबाही नगरी उन्मुक्ति दिने गरिएको छ ।

आधिकारिक अभिलेख नराखिने हुँदा पीडित पक्षलाई मृतकका नाममा पैसा लिएको आरोप पनि नलाग्ने, अस्पतालले पनि लामो समयसम्म कानूनी झमेलामा लागिरहनुनपर्ने, अनि डाक्टर र अस्पतालको बदनामी पनि नहुने हुँदा लास मोलतोलको यो अपारदर्शी धन्दा बढिरहेको छ ।
नेपाल चिकित्सक संघ कोशी अञ्चल शाखाका अध्यक्ष डा‍. फरवर्ड सिलवालले उपचारका क्रममा विरामीको मृत्यु हुनासाथ अस्पतालले क्षतिपूर्ति दिने प्रवृत्ति बढ्नु घातक भएको बताए ।

‘चिकित्सकको गल्ती हो कि होइन पोस्टमार्टमबाट थाहा हुन्थ्यो । छानबिन गर्न स्वास्थ्य मन्त्रालय, मेडिकल काउन्सिल र अरु थुप्रै निकाय छन्,’ डा सिलवालले भने, ‘पीडित पक्षले विरोध जनाएकै भरमा क्षतिपूर्ति दिनु अस्वाभाविक मान्न सकिन्छ ।’

अस्पतालले हतारहतार पैसा दिने हुनाले यस्ता घटना कानूनी निश्कर्षमा नपुग्ने उनी बताउँछन ।

सिलवाल भन्छन्, ‘हामीले अस्पतालमा मृत्यु भएकाको विषयमा प्रश्न उठे तत्काल कानूनी प्रक्रियामा जानुस्, पैसामा नमिलाउनुस् भन्दै आएका छौं । तर, अस्पतालहरू आत्तिएर हतारहतार सम्झौता गर्छन् । यसले अस्पताल मात्र होइन, चिकित्सा पेशाप्रति नै अविश्वास पैदा गरेको छ ।’

उजुरी न्युन

पछिल्लो पाँच वर्षमा विराटनगरमा चिकित्सकीय त्रुटि भएका भनिएका धेरै घटना सार्वजनिक भए । गुपचप मिलाइने हुनाले धेरै घटना बाहिर आउँदैनन् । जिल्ला प्रशासन कार्यालयमा क्षतिपूर्ति भराई पाउँ भनी ७ वटामात्र उजुरी दर्ता भएको छ । उजुरी परे पनि पीडित पक्ष पुन सम्पर्कमा नआएको प्रमुख जिल्ला अधिकारी एवं क्षतिपूर्ति समितिका संयोजक रामप्रसाद आर्चायले बताए ।

‘पीडित पक्ष सम्पर्कमा नआएकाले ती केस कानूनी प्रक्रियामा समेल गराउन सकिएको छैन’ उनले भने ।

उनले यसको अर्थ ती पनि लेनदेनमै मिलेको हुनसक्ने बताए । अस्पताल वा चिकित्सकले गल्ती गरेको छ भने पीडित पक्षले क्षतिपूर्तिभन्दा पहिले दण्ड सजायमा जोड गर्नुपर्ने प्रजिअ अर्चायको भनाइ छ ।

पैसा दिनेमा निजी अस्पताल अगाडि

विरामीको मृत्युलाई लिएर विवाद भएको विभिन्न घटनाको अध्ययन गर्दा सरकारी भन्दा निजी अस्पतालहरु क्षतिपूर्ति दिन छिट्टै तयार हुने गरेको पाइएको छ ।

विराटनगरको नोबेल अस्पताल, विराट हस्पिटल, न्युरो अस्पताल, सुरक्षा अस्पताल, गोल्डेन अस्पताल लगायतका अधिकाश अस्पतालहरु धेरै जस्तो यस्तो विवादमा तानिने गरेका छन् । यी अस्पतालहरुले बिरामीको मृत्युलाई लिएर विवाद भएको खण्डमा तत्काल क्षतिपूर्ति दिन राजी हुने गरेका छन् ।

उनीहरुले विरामीको औषधी उपचारमा लागेको खर्च मिनाहदेखि ५ लाखसम्म्ा क्षतिपुर्ति भरण गरेको पाइन्छ ।

नोवेल मेडिकल कलेजका निर्देशक डा. सुनील शर्माले अस्पतालको अन्य सेवा प्रभावित हुनेे डरले यस्ता मामला छिटै टुंग्याउनु बाध्यता रहेको बताए ।

२०७५ असार २८ गते १७:५८ मा प्रकाशित
Grace
Grace

सम्बन्धित शीर्षकहरु

अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

मुख्य खबरहरु

२ प्रतिकृयाहरू प्राप्त
  • T. Tulachan लेख्नुहुन्छ    |   २०७५ असार २८ गते १८:१६

    Why so many our women lost their lives when they go to hospital for an infant delivery? It is a utter failure of Nepal Medical Associtioan, Health Ministry, government and the police!!!

    The current practice of cesarean section birth must and must be stopped, reviewed it. It must be corrected only then contine this operation. These doctors who cause our women’s death must be put in jail for life.
    It is better that our women should give birth at home because it is less risk of death.

    0
    0
    Share

  • ujwal paudel लेख्नुहुन्छ    |   २०७५ असार २८ गते १८:५१

    THIS IS NEPAL …..EVERYTHING CAN BE ADJUSTED IN TERM OF MONEY,EVEN THE LIVES OF PEOPLE

    1
    0
    Share

यसमा तपाइको मत




फेसबुकबाट तपाईको प्रतिक्रिया

Also you may like this