२०७५ भदौ १३ गते १९:०० 
काठमाडौं । जर्मन प्रशिक्षक जोचिम लोले राष्ट्रिय टिममा रहँदा रंगभेदी व्यवहार भएको मेसुट ओजिलको दाबी अतिशयोक्तिपूर्ण भएको बताएका छन् ।
आर्सनलका मिडफिल्डर ओजिलले हालै मात्र अन्तराष्ट्रिय फुटबलबाट सन्यास लिएका थिए । जर्मनी विश्वकपको समूह चरणबाटै बाहिरिएपछि टर्कीस मुललाई लिएर रंगभेदी र र अनादरपूर्ण व्यवहार भएको ओजिलले बताएका थिए ।
लो ले भने आफ्नो कार्यकालमा रंगभेदको कुनै संकेत समेत नदेखिएको दाबी गरेका छन् । ‘रंगभेदको दाबी अतिशयोक्तिपूर्ण छ’ उनले भने ।
विश्वकप अघि टर्कीका राष्ट्रपतिसँग खिचेको फोटोलाई लिएर ओजिलको आलोचना भएको थियो । विश्वकपमा खराब प्रदर्शनपछि धम्कीहरु पनि आए ।
लोले भने, ‘मेरो इच्छा विश्वकपको राम्रो तयारी गनु थियो । तर, यो विषयले हामी समय आयो ।’
यद्यपि विश्वकपमा राम्रो प्रदर्शन गर्न नसक्नुको कारण यो हुन नसक्ने उनले बताए ।
ओजिलले अन्तराष्ट्रिय फुटबल छाड्दा आफूसँग सम्वाद नै नगरेको प्रशिक्षक लोको गुनासो छ । अरु खेलाडीले यस्तो नगरेको भन्दै उनले भने, ‘ओजिलको शैली फरक रहृयो । मैले फोन र म्यासेजमार्फत उनीसम्म पुग्न खोजे तर, सम्भव भएन । मैले त्यसलाई स्वीकार गरेँ ।’
प्रतिक्रिया 4