अनमोलको कन्सर्टमा ‘ए मेरो हजुर ३’को सुटिङ, प्ले कार्ड बोकेर पुगिन् सुहाना

शनिबार पोखराको विन्ध्ववासिनी मन्दिरमा शुभसाइत गरिएको चलचित्र ‘ए मेरो हजुर ३’को छायांकन पोखरामा आयोजना भएको ‘अनमोल इभ’मा गरिएको छ ।

अनलाइनखबरलाई प्राप्त भिडियो फुटेजमा चलचित्रकी मुख्य नायिका सुहाना थापा अनमोलको कन्सर्ट हेर्न पुगेकी छिन् र उनीसँगै गीत गाएकी छिन् । अनमोलले बुटवलपछि पोखराको कन्सर्टमा पनि गीत गाएका थिए । उनको गीतमा ५ हजार भन्दा बढी पोखरेली दर्शक झुमेका थिए ।

निर्देशक झरना थापाले चलचित्रको छायांकन सुरु भएको र रेगुलर छायांकन भने असोज ५ गतेबाट गर्ने बताएकी थिइन् । सुनिल कुमार थापाले यो चलचित्रको निर्माण गरिरहेका छन् ।

अनमोलको कन्सर्टमा सुहानासँगै दर्जन यूवती उनको तस्बिर अंकित प्ले कार्ड लिएर पुगेका थिए । उनीहरुलाई पनि चलचित्रको पर्दामा देख्न पाइनेछ ।

यो चलचित्र म्यूजिकल लभ स्टोरी कथामा निर्माण हुँदैछ । निर्माणपक्षले खुलाउन नचाहेपनि चलचित्रमा नायक अनमोल केसी सांगीतिक क्षेत्रमा लागेको कलाकर्मीको भूमिकामा देखिन लागेको वुझन् सकिन्छ । चैत्र २९ गतेबाट यो चलचित्र रिलिज हुँदैछ ।