२१ भदौ, बंगलादेश । साफ च्याम्पियनसिपमा नेपालले भुटानमाथि ४-० जित हासिल गरेको छ । बिहीबार चौथो गोलको रुपमा नेपालका निराजन खड्काले गोल गरेका हुन् ।
यसअघि ७९ औं मिनेटमा नेपालका लागि स्ट्राइकर भरत खवासले तेस्रो गोल गरेका थिए ।
खेलको ७७ औं मिनेटमा अञ्जन विष्टको ठाउँमा मैदान छिरेका उनले त्यसको दुई मिनेटपछि सेन्टर नजिकैबाट एक्लै अगाडि बढाएको बललाई उत्कृष्ट प्रहार गर्दै जाली चुमाए ।
यसअघि नेपालका लागि अनन्त तामाङ र सुनील बलले गोल गरेका थिए । १० खेलाडीमा सीमित भुटानमाथि नेपाल हावी भएको थियो ।
