काठमाडौं । आर्सनलका पूर्व स्ट्राइकर थिएरी हेनरी फ्रान्सेली क्लब मोनाकोको प्रशिक्षक नियुक्त भएका छन् ।
लिगमा खराब प्रदर्शनपछि मोनाकोले बिहीबार मात्र प्रशिक्षक लियोनार्दो जर्दिमलाई बर्खास्त गरेको थियो ।
४१ वर्षका फ्रान्सका हेनरीलाई २०२१ सम्मका लागि मुख्य प्रशिक्षक नियुक्त गरेको हो । १९९७ मा मोनाकोलाई लिग वान जिताउन भूमिका खेलेका हेनरी आर्सनलका टप स्कोरर हुन् र रुस विश्वकपमा बेल्जियमको सहायक प्रशिक्षक थिए ।
मोनाकोले यो सिजन एक खेल मात्र जितेको छ र लिगमा पुछारबाट तेस्रो स्थानमा छ ।
