म्युजियम भन्ने बित्तिकै ऐतिहासिक तथा पुरातात्विक वस्तुहरुको संग्रह गर्ने ठाउँ भन्ने बुझिन्छ । तर स्विडेनमा एउटा यस्तो म्युजियम खुल्दैछ जुन किन खोलियो होला ? भन्ने लाग्नसक्छ ।
Disgusting Food Museum अर्थात् सबैभन्दा रद्दी खानेकुराको संग्राहलयमा दुनियाँकै सबैभन्दा रद्दी ८० प्रकारका खानेकुरा राखिनेछन् ।
उक्त म्युजियममा कुहेको शार्कको परिकार पाइन्छ, जुन आइसल्याण्डको राष्ट्रिय परिकार पनि हो ।
चीनको दुर्गन्धित टोफूको परिकार देखि पेरुको रोस्टेट सुँगुर अनि फिलिपिन्सको सडकमा डुल्ने हाँसको चल्ला बन्न लागेको उमालेको अण्डासम्मका खानेकुरा त्यहाँ राखिनेछ ।
चर्चित कलाकार स्यामुएल वेस्टले उक्त म्युजियम स्थापना गरेका हुन् । यस्ता अनौठा संग्राहलय स्थापना गर्ने कार्यका लागि वेस्ट चर्चित नाम पनि हो ।
यसअघि उनले असफलता संग्राहलय बनाएका थिए । त्यहाँ उनले दुनियाका विभिन्न कम्पनीले उत्पादन गरेका असफल प्रडक्टहरु राखेका थिए ।
आफुले दर्शकहरुका लागि सधै केही न केही नयाँ चिज देखाउन चाहने भन्दै उनले फरक चिजले मानिसहरुलाई आकर्षित गर्ने बताए ।
एजेन्सी
