१२ कात्तिक, दार्चुला । दार्चुलाको धौलाकोटमा एक महिला रुखमा झुण्डिएको अवस्थामा मृत फेला परेकी छन् ।
व्याँस गाउँपालिका-५ धौलाकोट इजरकी अन्दाजी २५/२६ वर्षीया पुना (पुनी) धामी झुण्डिएको अवस्थामा मृत भेटिएको जिल्ला प्रहरी कार्यालय दार्चलाले जानकारी दिएको छ ।
घटनाको जानकारी प्रहरीलाई गराएपछि धौलाकोटबाट प्रहरी सहायक निरीक्षक (असइ) अमिर रावलको प्रहरी टोली खटिएको छ । थप अनुसन्धानका लागि जिल्ला प्रहरी कार्यालय दार्चुलाबाट पनि बिहानै प्रहरी टोली त्यसतर्फ गएको छ ।
प्रहरी सहायक निरीक्षक हिक्मतबहादुर बोहराको नेतृत्वमा प्रहरी टोली खटिएको जिल्ला प्रहरी कार्यालय दार्चुलाले जनाएको छ ।