१५ कात्तिक, जनकपुरधाम । प्रदेश २ सरकारले सुरक्षा सल्लाहकारमा नेपाल प्रहरीका पूर्वएआइजी विजयलाल कायस्थलाई नियुक्त गरेको छ ।
प्रदेश नम्बर २ को सरकारले बिहीबार पूर्वएआइजी कायस्थलाई सल्लाहकारमा नियुक्त गरेको आन्तरिक मामिला तथा कानूनमन्त्री ज्ञानेन्द्रकुमार यादवले जानकारी दिए ।
मन्त्री यादवको बिशेष प्रस्तावमा मुख्यमन्त्री महोम्मद लालबाबु राउतले बिहीबार कायस्थलाई प्रदेश सरकारको सुरक्षा सल्लाहकार नियुक्त गरेको मुख्यमन्त्रीको कार्यालयले जनाएको छ ।
कायस्थ यसअघि प्रदेश नम्बर २ को प्रदेश प्रहरी कार्यालयमा प्रमुख रहिसकेको र केही महिनाअघि मात्रै अवकाश भएका थिए ।
