१६ कात्तिक, डोल्पा । वैकल्पिक ऊर्जा केन्द्रले डोल्पाका विद्यार्थीहरूलाई सोलार वितरण गरेको छ ।
ठुलीभेरी नगरपालिकामा रहेका सरस्वती माध्यामिक विद्यालय दुनै र आदर्श जुफालमा अध्ययनरत कक्षा ९ र १० का छात्रछात्राहलाई सोलार वितरण गरिएको हो ।
दलित, जनजाति, गरीब, जेहेन्दार, अल्पसंख्यक र पिछडिएका २५० विद्यार्थीलाई एसईईको तयारीका लागि सोलार बितरण गरिएको हो ।
डोल्पाको सदरमुकाममै धेरै लोडसेडिङ हुने गरेको भएकोले विद्यार्थीहरु प्रत्यक्षरुपमा प्रभावित हुने गरेका छन् । त्यसैलाई मध्यनजर गरी परीक्षा नजिकिएकाबेला सोलार वितरण गरिएको हो ।
सोलार अखिल (क्रान्तिकारी) का केन्द्रीय सदस्य योगेन्द्र बुढाले हवाइजहाज चार्टर गरी नेपालगञ्जबाट डोल्पा पुर्याएका थिए । बुढाले आगामी दिनमा जिल्लाका सबै माविमा सोलार वितरण गर्ने योजना रहेको जानकारीसमेत दिए ।
