नायिका मिरुना मगरलाई अझै पनि दर्शकले राम्रोसँग नोटिस गर्न सकेका छैनन् । नेपाली चलचित्र क्षेत्रमा उनले अझै पनि धेरै काम गर्न बाँकी छ । तर, मिरुना मगरको सुन्दरता र उनको अभिनयको भने प्रशंसा हुन थालेको छ । ‘लालपूर्जा’ डेब्यू नायिकाले दोश्रो चलचित्र ‘रोज’बाट पनि सफलता चाख्न नसकेको प्रष्ट हो । तर, यो चलचित्रका नायक प्रदिप खड्कासँग काम गरेर आफूलाई दर्शकमाझ चिनाउन मद्दत पुगेको मिरुना बताउँछिन् ।
मिरुनाले नयाँ चलचित्र ‘साइनो’मा काम गर्दैछिन् । मिरुनाको मुस्कान र उनको सुन्दरताले दर्शकलाई समेत मोहित बनाएको छ । मिरुनाले दर्शकमाझ आफूलाई नोटिस गराउन सकेको खण्डमा उनी लामो रेशको घोडा बन्न सक्ने बिश्लेषण चलचित्र बजारमा हुने गरेको छ ।
तस्वीरः शंकर गिरी
