२५ मंसिर, काठमाडौं । नेपाली ब्याडमिन्टन खेलाडी रत्नजित तामाङले बंगलादेशमा मंगलबारबाट सुरु भएको योनेक्स सनराईज बंगलादेश अन्तर्राष्ट्रिय च्यालेन्जमा जित हात पार्दै दोस्रो चरणमा पुगेका छन् ।
रत्नजितले पुरुष एकलमा भारतका अङकुर साङपाङ राईलाई २१–११, २५–२३ ले पराजित गर्दै दोस्रो चरण प्रवेश गरेका हुन् । अब उनले मलेसियाका जुल्हेल्मी जुल्किफ्लीसँग प्रतिस्पर्धा गर्ने छन् ।
अर्का खेलाडी दिपेश धामी भने पराजित भएका छन् । धामी ईन्डोनेसियाका क्रिष्टियन एडिनाटासँग २१–१८, २१–१३ ले पराजित भएको टिम ब्यवस्थापक सुभाष श्रेष्ठले बंगलादेशबाट जानकारी गराएका छन् ।
पुरुष जोडीमा भने रत्नजित र दिपेशको जोडी बाई प्राप्त गर्दै दोस्रो चरण प्रवेश गरेका छन् ।
यस्तै महिला जोडीमा पनि नङ्गशल देवी तामाङ्ग र अमिता गिरीको जोडीले मरिससका खेलाडीबाट वाक ओभर प्राप्त गर्दै क्वाटरफाईनल यात्रा तय गरेका छन् ।
साथै मिश्रित जोडीतर्फ दिपेश धामी र अमिता गिरीको जोडी मरिससका खेलाडीबाट वाक ओभर प्राप्त गर्दै दोश्रो चरण प्रवेश गरेका छन् ।