११ पुस, काठमाडौं । घरेलु टोली अष्ट्रेलियाविरुद्ध भारत तेस्रो टेष्ट क्रिकेट खेलमा बलियो स्थितिमा पुगेको छ ।
मेलबर्न क्रिकेट मैदानमा टस जितेर पहिले ब्याटिङ गरेको भारतले पहिलो दिनको समाप्तिसम्म मात्र दुई विकेटको क्षतिमा २१५ रन बनाएको छ ।
भारतको इनिङ सम्हाल्ने क्रममा चेतेश्वर पुजरा र कप्तान विराट कोहलीले उत्कृष्ट प्रदर्शन गर्दै अविजित रहेका छन् । पुजराले अविजित ६८ रन बनाउँदा कप्तान विराट ४७ रनमा अविजित छन् ।
यसअघि आउट भएका ओपनर मयंक अग्रवालले ७६ रन बनाएर आउट हुदा हनुमा विहारी आठ रनमा आउट भएका थिए ।
बलिङतर्फ अष्ट्रेलियाका पट कुम्मिन्सले दुई विकेट लिए । भारतले दोस्रो दिन बिहीबार यही स्थितिबाट ब्याटिङ थाल्नेछ ।
पहिलो टेष्ट क्रिकेट खेलमा भारतले अष्ट्रेलियालाई ३१ रनले पराजित गरेको थियो । तर दोस्रो टेष्ट खेलमा भने भारतलाई अष्ट्रेलियाले १४६ रनले पराजित गरेको थियो ।