+
+

रोकिएन सेयर बजारको गिरावट, कारोबारमा भने सुधार

अनलाइनखबर अनलाइनखबर
२०७५ पुष १८ गते १५:३१

१८ पुस, काठमाडौं । साताको पहिलो दिन आइतबारदेखि शुरु भएको सेयर बजारको घट्ने क्रम बुधबार पनि जारी देखिएको छ ।

आइतबार १० अंकले सोमबार १७ अंक र मंगलबार १ अंकले ओरालो लागेको सेयर बजार बुधबार ५ दशमलव ४२ अंकले ओरालो लागेको हो ।

सेयर बजार ५ दशमलव ४२ अंकले ओरालो लाग्दा नेप्से परिसूचक १ हजार १ सय ८० दशमलव ४३ मा झरेको छ । नेप्से परिसूचकमा गिरावट आए पनि अघिल्लो दिनको तुलनामा कारोबार रकममा झिनो सुधार आएको छ ।

दिनभर भएका १ सय ५४ कम्पनीको कारोबारबाट ७ लाख ५१ हजार ४ सय ११ कित्ता सेयर किनबेच भएका छन् । जसअनुसार कारोबार रकम २५ करोड ७६ लाख ७ हजार १ सय ६६ रुपैयाँ पुगेको नेपाल स्टक एक्सचेञ्जले जनाएको छ ।

यस अघि मंगलबार २२ करोड ८५ लाख ४३ हजार ४ सय १५ रुपैयाँको कारोबार भएको थियो । कारोबार रकमका आधारमा चिलिमे हाइड्रोपावर कम्पनीको पहिलो नम्बरमा देखिएको छ ।

चिलिमेको बुधबार २ करोड २८ लाख ४६ हजार रुपैयाँ बराबरको सेयर कारोबार भएको छ ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?