१७ माघ, काठमाडौं । सरकारले राष्ट्रियसभाबाट चिकित्सा शिक्षा विधेयक पारित भएपछि केसीसँग वार्ता हुने बताएको छ ।
शिक्षा, विज्ञान तथा प्रविधिमन्त्री गिरिराजमणि पोखरेलले विधेयक दुबै सदनबाट टुंग्याइसकेपछि केसीसँग नयाँ सहमति गर्न सकिने बताए । ‘उहाँको जीवन रक्षाका लागि सरकार एकदम प्रतिवद्ध छ ।
‘उहाँको इलाममै स्वास्थ्य बिग्रियो भनेर नाइटभिजन हेलिकप्टरमा काठमाडौं ल्याएका हौं । यो विधेयकलाई संसदले टुंग्याइसकेपछि पनि नयाँ सहमति गर्ने, वार्ता गर्ने, सरकारको तर्फबाट पहलकदमी लिने, अग्रसरता लिने, संरक्षकको भूमिका निर्वाह गर्ने विश्वास दिलाउन चाहन्छु’ मन्त्री पोखरेलले भने ।
चिकित्सा शिक्षा विधेयक डा. केसी कारणले पनि सफल भएको भन्दै उनले यसको स्वामित्व केसीले पनि लिनुपर्ने बताए ।