इशान खट्टर, जसलाई चिनाउका लागि फिल्म ‘धडक’को नाम जोड्नुपर्ने हुन्छ । केही महिनाअघि प्रदर्शनमा आएको यो चलचित्रमा इशानले जान्भी कपूरसँग स्त्रिmन सेयर गरेका थिए ।
इशान खासमा अभिनेता शाहिद कपूरका भाई पनि हुन् । तर, बलिउडमा उनलाई यत्ति परिचयले मात्र पुग्दैन । पछिल्लो समय हुर्किरहेका बलिउड स्टार किड्ससँग उनको घनिष्ठता लोभलाग्दो छ । साथसाथै उनी अहिले आफ्नो फिटनेशका कारण पनि चिनिएका छन् ।
इशानले ‘धडक’ अघि इरानी फिल्ममेकर माजिदीको फिल्म ‘बियोन्ड द क्लाउड्स’मा अभिनय गरेका थिए । उनले यो फिल्मको लागि करिब १२ दिनमा ८ किलो तौल घटाएका थिए । थेरै समयमा यति धेरै तौल घटाउनु चानचुने कुरा थिएन । आखिर इशानले कसरी आफ्नो तौल घटाए ? उनको फिटनेस सूत्र के हो ?
शाहिदबाट प्रेरणा
कुरा चाहे अभिनयको होस् वा नृत्युको । वा त फिटनेसको । इशानले सधै नै आफ्ना दाई शाहिद कपूरबाट प्रेरणा लिने गरेका छन् । खासमा इशान र शाहिदको आमा एकै हुन् । तर, पिता भने अलग-अलग हुन् ।
शाहिद नीलिमा अजीम र पंकज कपूरका छोरा हुन् । इशान भने नीलिमा र राजेश खट्टरका छोरा हुन् । फरक पिताका छोरा भएर पनि उनीहरुबीच निकै घनिष्ठता छ । इशानले दाजु शाहिदलाई आफ्ना पिता सरह मान्ने गरेका छन् । इशानले भन्ने गरेका छन्, ‘शाहिद मेरोलागि सधै प्रेरणादायक छन् ।’
के छ फिटनेश रुटिन ?
शाहिद कपूर जस्तै इशान खट्टर पनि फिटनेशमा असाध्यै रुची राख्छन् । उनी आफुलाई फिट एन्ड फाइन राख्नका लागि एकदम मेहनत गर्छन् । साथै अनुशासित जीवनशैली पालना गर्छन् ।
१. उनी आफ्नो शरीरलाई लचिलो र बलियो बनाउनका लागि हप्तामा ६ दिन जिम जान्छन् ।
२. हरेक दिन जिममा कम्तीमा २ घण्टा व्यायाम गर्छन् र पर्याप्त पसिना चुहाउँछन् ।
३. शुटिङको समयमा पनि ऊ आफ्नो फिटनेसमा नजरअन्दाज गर्दैनन् । सेटमा हल्काफुल्का व्यायाम गर्छन् ।
४. जिम जानका साथै इशान रनिङ, साइक्लिङ र ट्रेकिङ जस्ता शारीरिक गतिविधिमा एकदमै रुची राख्छन् ।
५. इशानलाई थाहा छ कि, मनको तनाव हटाउन र शान्तिका लागि व्यायाम एकदम आवश्यक छ ।
६. ऊ जतिसुकै व्यस्त भएपनि व्यायामका साथसाथै हरेक रात कम्तीमा ७ घण्टाको निद्रा लिन्छन् ।
७. इशानलाई लाग्छ, फिटनेसका लागि वर्कआउट जति आवश्यक छ उत्तिनै जरुरी छ निद्रा पनि ।
फिटनेसमा डान्स पनि
फिटनेसको राम्रो माध्याम हो, डान्स । इशान पनि आफ्ना दाई शाहिद जस्तै डान्समा बढी रुची राख्छन् । उनलाई डान्स गर्नु निकै रमाइलो लाग्छ । यसलाई उनी फिटनेसकै एउटा हिस्सा मान्छन् । जिममा पसिना बगाउनका साथसाथै अतिरिक्त क्यालोरी बर्न गर्नका लागि इशान नृत्य पनि गर्छन् । यसले आफुलाई फिट र सक्रिय राख्ने उनको बुझाई छ ।
संगीतसँगै व्यायाम
इशान एकदमै सहज वर्कआउट गर्छन् । यद्यपी जतिपनि वर्कआउट गर्छन्, पुरा मन लगाएर गर्छन् । आफ्नो वर्कआउटलाई रमाइलो बनाउनका लागि ऊ संगीतको सहारा लिन्छन् । संगीतको धुनमा व्यायाम गर्दा अन्यत्र मन भड्कदैन भन्ने उनलाई लाग्छ ।
इशानको डाइट
केवल व्यायामले मात्र शरीर सुगठित हुँदैन । शरीरलाई चुस्त दुरुस्त बनाइराख्नका लागि शारीरिक गतिविधिका साथसाथै स्वस्थ्य खानपान पनि आवश्यक हुन्छ । यही कारण त इशान जिममा पसिना बगाउनका साथसाथै आफ्नो दैनिक खानपानमा पनि ध्यान राख्छन् ।
१२ दिनमा ८ केजी तौल घटाएर सबैलाई अचम्मित बनाएका २२ बषिर्य इशानको डाइटमा फल र सब्जी भरपुर हुन्छ । ऊ आफ्नो नियमित खानपानमा फल, सब्जी, पानी र प्रोटिन सबैभन्दा महत्वपूर्ण मान्छन् ।
-इशानले आफ्नो फिटनेसलाई ध्यानमा राखेर जंकफूड, चिल्लो वा गुलियो खानेकुरा सेवन गर्दैनन् ।
-इशानले उसिनेको सागसब्जी सेवन गर्छन् । ताजा फलफूलको जुस पिउँछन् ।
-प्रोटिका लागि इशानले प्रोटीन शेक, अन्डा र चिकेन सेवन गर्छन् ।
-शरीरमा पानीको मात्रा पर्याप्त राख्नका लागि दिनभरमा पर्याप्त पानी पिउँछन् ।
-इशान जतिसुकै व्यस्त भएपनि ब्रेकफास्ट, लन्च र डिनर समयमा नै लिने गर्छन् ।
-उनी ब्रेकफास्ट स्किप गर्न नहुने मान्यता राख्छन् ।
-इशान नरिवल पानी पनि पर्याप्त पिउने गर्छन् ।
-इशान चुरोट र मदिराबाट धेरै टाढा छन् । उनी यसलाई आफ्नो फिटनेसको दुश्मन मान्छन् ।
