९ चैत, काठमाडौं । सांसद धर्मशिला चापागाईं अस्पताल भर्ना भएकी छन् । स्वासप्रश्वासमा समस्या आएपछि उनलाई शुक्रबार बीर अस्पताल भर्ना गरिएको हो ।
उनी केही वर्षयता स्वासप्रश्वास सम्बन्धी समस्याबाट पीडित छिन् । उनले यसअघि नयाँदिल्लीको एपोलो अस्पतालमा पनि यससम्बन्धी उपचार गराएकी थिइन् ।
शुक्रबार पुनः समस्या आएपछि बीर अस्पतालमा परीक्षण गराउन गएकी थिइन् । चिकित्सकले भर्ना हुन सल्लाह दिएपछि उनी भर्ना भएकी हुन् ।
बिभिन्न परीक्षणको रिपोर्ट आउन बाँकी रहेको र रिपोर्ट आएपछि थप औषधि उपचार हुने उनको पारिवारिक स्रोतले जनाएको छ ।
चापागाईं समानुपातिक कोटाबाट प्रतिनिधिसभा सांसद छिन् ।
