१८ चैत, काठमाडौं । नयाँ शक्ति पार्टीका संयोजक डा. बाबुराम भट्टराईले बारा र पर्सामा आएको हावाहुरीले पुगेको मानवीय तथा भौतिक क्षतिप्रति दुःख व्यक्त गरेका छन् ।
बारा र पर्सामा आइतबार आएको हावाहुरीले ठूलो मानवीय तथा भौतिक क्षति पुर्याएलगत्तै एक ट्वीट गर्दै बाबुरामले दःख व्यक्त गरेका हुन् ।
उनले घाइते तथा पीडितहरुको उद्धार र राहत कार्यमा कुनै कमी हुन नदिन पनि सरकारसँग माग गरेका छन् ।
भट्टराईले प्राकृतिक प्रकोप प्रतिरोधी संरचना निर्माण ध्यान दिन राज्य र नागरिक वर्ग सबैमा आग्रहसमेत गरेका छन् । प्राकृतिक प्रकोप प्रतिरोधी संरचनाको अभावले ठूलो क्षति भएकाले अबका दिनमा यसप्रति सचेत हुनुपर्ने मत बाबुरामको छ ।
