२० चैत, काठमाडाैं । सिप्रदी ट्रेडिङको सामाजिक संस्था सिप्रदीयन सहायता संस्थाद्वारा हालैमात्र बारा र पर्साका हावाहुरी प्रभावितलाई राहत वितरण गरेको छ ।
उक्त कार्यक्रम स्थानिय प्रशासन तथा स्थानिय प्रतिनिधिहरुको समन्वयमा सम्पन भएको सिप्रदीले जनाएको छ । सिप्रदीयन सहायता संस्थाका २० जनाको स्वयंसेवक टिमद्वारा पर्सा जिल्लाको जगरनाथपुरमा ६५ भन्दा धेरै हावाहुरी प्रभावित परिवारलाई २५ किलो चामल, ५ किलो दाल, १ किलो नुन, २ लिटर खाना पकाउने तेल, म्याट र लत्ताकपडा वितरण गरेको छ ।
यसैगरि बारा जिल्लाको भलुहि र चैनपुरमा २०० भन्दा धेरै हावाहुरी प्रभावित परिवारलाई चामल, दाल, नुन र खाना पकाउने तेल वितरण गरेको छ ।
