२२ चैत, बर्दिवास । महोत्तरीको सोनमा गाउँपालिकामा एक युवतीको शव फेला परेको छ ।
सोनमा गाउँपालिका-२ सिंहासनीस्थित एक खेतमा युवतीको शव फेला परेको इलाका प्रहरी कार्यालय गौशालाले जनाएको छ ।
अन्दाजी २१ वर्षकी ती युवतीको शव फेला परेको र कसैले हत्या गरेको हुनसक्ने प्रहरी निरीक्षक किशोर आर्चायले जानकारी दिए ।
युवतीको सनाखत हुन बाँकी छ । घटनाबारे अनुसन्धान सुरु गरिएको प्रहरी निरीक्षक आचार्यले बताए ।
