२७ चैत, काठमाडौं । टोटनह्यामले च्याम्पियन्स लिग फुटबलअन्तर्गत क्वाटरफाइनलको पहिलो लेगमा म्यानचेस्टर सिटीलाई पराजित गरेको छ ।
आफ्नै घरेलु मैदानमा मंगलबार राति भएको खेलमा टोटनह्यामले म्यानचेस्टर सिटीलाई १–० गोलअन्तरले पराजित गरेको हो । टोटनह्यामको जितमा सन हेयुङ मिनले गोल गरे । उनकै गोलमा बलियो टिम म्यानचेस्टर सिटीमाथि टोटनह्यामले जित निकालेको हो ।
पहिलो हाफमा गोलरहित बराबरी खेलेको टोटनह्यामले खेलको दोस्रो हाफमा गोल गर्न सफल भयो । खेलको ७८औं मिनेटमा मिनले गोल गर्दै टोटनह्यामलाई अग्रता दिलाएका थिए ।
खेलअवधिभर भने म्यानचेस्टर सिटीले बल आफ्नो पकडमा राखेको थियो । तर गोल गर्न भने सकेन ।
