३० वैशाख,काठमाडौं । प्रभु बैंकले काठमाडौं महानगरपालिका वडा नम्बर १५ स्थित ढुंगेधारामा शाखा विस्तार गरेको छ ।
नेपाल राष्ट्र बैंकका डेपुटी गर्भनर शिवराज श्रेष्ठले शाखाको उद्घाटन गरे । शाखा विस्तारसँगै ढुंगेधाराबासीले आफ्नै घर, आँगनबाट विना झन्झट प्रभु बैंकको बैंकिङ सेवा सहज रुपमा उपभोग गर्नसक्ने अवसर प्राप्त भएको श्रेष्ठले बताए । बैंकका सञ्चालक समितिका अध्यक्ष देवि प्रकाश भट्टचनको अध्यक्षतामा शाखा विस्तार गरिएको हो ।
कार्यक्रममा विभिन्न सरकारी कार्यालयका प्रतिनिधिहरु, विभिन्न राजनीतिक दलका प्रतिनिधीहरु, विभिन्न संघसंस्थाका प्रतिनिधिहरु, स्थानीय व्यापारी, बुद्धिजिवीलगायत ठूलो संख्यामा सर्वसाधारणहरुको उपस्थिति रहेको थियो ।
शाखा विस्तारसँगै ढुंगेधारा क्षेत्रको आर्थिक विकासमा टेवा पुग्ने बैंकले विश्वास लिएको छ ।
