३ जेठ, चितवन । नेपाल कम्युनिस्ट पार्टी (नेकपा), चितवनका अध्यक्ष र सचिवले पदभार ग्रहण गरेका छन् । पार्टी कार्यालय मदनपुरमा आयोजित एक कार्यक्रमका बीच अध्यक्ष यमबहादुर परियार र सचिव कृष्णभक्त पोखरेलले पदभार ग्रहण गरेका हुन् ।
नेकपाका केन्द्रीय सदस्य काशीनाथ अधिकारी, कृष्णप्रसाद खनाल, देवी ज्ञवालीलगायतका नेताले परियार र पोखरेललाई माला लगाइ दिएर पदभार ग्रहण गराएका थिए ।
पदभारपश्चात सञ्चारकर्मीलाई प्रतिक्रिया दिँदै अध्यक्ष परियारले पार्टीलाई एकढिक्का बनाएर लैजाने प्रतिबद्धता जनाए । उनले पार्टीको नीति र सिद्धान्त बमोजिम पार्टीका क्रियाकलपा अघि बढ्ने बताए ।
सचिव पोखरेलले जिल्ला पार्टीलाई गतिशील बनाउने बताए ।
जिल्ला नेतृत्व छानिए पनि जिल्ला कमिटीका सदस्यहरुको टुंगो लाग्न बाँकी छ । चितवनका ७ स्थानीय तहमा पनि नेकपाको नेतृत्वको टुंगो लाग्न सकेको छैन । दुई निर्वाचन क्षेत्रमा फैलिएको भरतपुर महानगरपालिकाको नेतृत्व कसले लिने भन्ने चासो बढी देखिन्छ ।
