१ असार, डडेल्धुरा । ट्याक्टर दुर्घटनामा परी डडेल्धुरामा एक शिक्षकको ज्यान गएको छ ।
जिल्लाको आलिताल गाउँपालिका–८, कुर्जेनियामा शनिबार राति ट्याक्टर दुर्घटना हुँदा समैजी अधारभूत विद्यालय, आलीतालमा कार्यरत ४० वर्षीय शिक्षक श्याम कलौनीको मृत्यु भएको हो ।
गोदाम बजारबाट बालुवा लोड गरेर कुर्जेनीतर्फ जाँदै गरेको से २ त २८५० नम्बरको ट्याक्टर दुर्घटनामा परेको हो । दुर्घटनामा आलिताल गाउँपालिका–८ का पदम राना समान्य घाइते छन् ।
दुर्घटनापछि चालक धनजित धामी फरार रहेको र उनको खोजी भइरहेको आलीताल प्रहरी चौकीका इञ्चार्ज प्रहरी सहायक निरीक्षक वीरबहादुर धामीले जानकारी दिए ।
