भूमिगत रेल चढेर फ्रान्स लागे प्रधानमन्त्री ओली

Photo Credit : प्रमका सल्लाहकार विष्णु रिमाल

२९ जेठ, बार्सिलोना । नेपालमा रेल यातायातको सपना देखाउँदै आएका प्रधानमन्त्री केपी शर्मा ओली भूमिगत रेल चढेर फ्रान्स लागेका छन् ।

तीन दिने बेलायत भम्रण सकेर प्रधानमन्त्री ओली युरो टनेल भनिने भूमिगत रेल चढेर पेरिसतर्फ प्रस्थान गरेका हुन् ।

१९ अर्व डलरभन्दा बढीको लागतमा फ्रान्स र बेलायतबीच समुद्री सतह ‘इंग्लिस च्यानलमुनि’ बनाइएको सुरुङमार्ग ५० किलोमिटर लामो छ । प्रत्येक वर्ष करिब एक करोड यात्रुहरु बेलायत र फ्रान्सबीच आवतजावत गर्ने उक्त सुरुङमार्ग हुँदै नेपालका प्रधानमन्त्रीपनि लण्डनबाट पेरिस प्रस्थान गरेका हुन् ।

निर्माण सुरु भएको एकसय वर्षपछि बेलायतदेखि फ्रान्ससम्म सुरुङ छिचोल्न सफल भएको उक्त रेलमार्गलाई युरोप भ्रमणमा रहेको नेपाली टोलीले निकै चासोपूर्बक हेर्ने ठानिएको छ।

प्रधानमन्त्री ओलीले बिहीबार दिउँसो फ्रान्सका प्रधानमन्त्री इडियार्डों फिलिपेसँग भेटवार्ता हुने पेरिसस्थित नेपाली दूताबासले जनाएको छ । नेपाल र फ्रान्सबीच कूटनीतिक सम्बन्ध स्थापना भएको ७० वर्ष पुगिसकेको छ ।