२०८२ असार १८ गते १९:१९ 
१८ असार, काठमाडौं । नेपाली राष्ट्रिय महिला क्रिकेट टिमकी कप्तान इन्दु वर्मा युनिभर्सल कलेजको ब्राण्ड एम्बासडर नियुक्त भएकी छन् ।
काठमाडौंको मैतिदेवीमा सञ्चालित युनिभर्सल कलेजले नेपाली राष्ट्रिय महिला क्रिकेट कप्तान इन्दु वर्मालाई ब्राण्ड एम्बासडर नियुक्त गर्दै कक्षा ११ को व्यवस्थापन संङकायमा भर्ना गरिएको जनाएको छ ।
कप्तान इन्दुलाई एक समारोहका बिच कलेजका प्रिन्सिपल डा. शिवदत्त ज्ञवाली, नेटवर्क डाइरेक्टर राजु टण्डन, एकेडेमिक इन्चार्ज तिर्थराज घिमिरे लगायतले स्वागत गरेका थिए ।
कप्तान इन्दुको नियुक्तिले खेलकुद तथा अध्ययनलाई सँगसँगै अगाडि बढाउन खोज्ने आम विद्यार्थीलाई प्रेरणाको श्रोत हुने विश्वास गरिएको छ ।
यस्तै वर्मालाई शैक्षिक तथा खेल जीवनकालागि आवश्यक सबै किसिमको सहयोग गरिने प्रतिबद्धता प्रिन्सिपल डा. ज्ञवालीले व्यक्त गरे ।
‘२८ वर्ष लामो गौरवमय शैक्षिक इतिहास बोकेको कलेजको ब्राण्ड एम्वासाडर तथा विद्यार्थी हुन पाउँदा मलाई मेरो खेल जीवन र अध्ययनमा थप आत्मविश्वास तथा हौसलामिलेको छ । ‘इन्दुले भनिन् ।
कप्तान इन्दुको नियुक्तिले आम नेपाली युवामा खेलकुद र शिक्षा सँगसँगै सफल हुन सक्छ भन्ने विश्वासको भावना विकास हुने आशा गरिएको छ ।
प्रतिक्रिया 4