मानसरोवर दूरदर्शन जाने बाटोमा भेटिए वनघोडाका बथान (तस्वीरहरू)

News Summary

Generated by OK AI. Editorially reviewed.

हुम्लाको लिमी उपत्यका पर्यटकीय क्षेत्रको रुपमा विकास हुँदैछ।
विकट भौगोलिक अवस्थाका बाबजुद, पर्यटकहरूले यसलाई \'स्वर्ग\'को रुपमा वर्णन गर्छन्।
अध्ययनले ६ दिनमा ७२० वटा वनघोडा भेटिएको पुष्टि गरेको छ।

२१ जेठ, हुम्ला (लिमी) । हुम्लाको हिमाली क्षेत्र नाम्काको लिमी उपत्यका पर्यटकी क्षेत्रका रुपमा विकास भइरहेको छ ।

भौगोलिक रुपमा विकट भएकोले त्यहाँ पुग्न अप्ठेरो छ। तर, पुगेर फर्किनेहरूले लिमी भ्यालीलाई ‘स्वर्ग’को रुपमा बयान गर्छन् ।

उपत्यका, त्यहाँका बस्ती र हिउँको दृश्यले पर्यटकलाई लोभ्याउँछ । यसका साथै उपत्यकामा ठूलो संख्यामा भेटिने हिमचितुवा, चौरी र वनघोडाले पनि पर्यटकलाई आकर्षित गर्छन् ।

यो समयमा लिमी उपत्यका आसपासमा ५/७ सय वनघोडाका बथान भेटिन्छन् । वन घोडा पाइने लिमी क्षेत्र नाम्खा गाउँपालिका-६ मा पर्छ ।

वनघोडा ३८०० देखि ५००० मिटर उचाइमा भेटिन्छन् । नाम्खाको लुङलिङ्ग (३८००) देखि लिमी लाप्चा (५००० मिटर) मा वनघोडा भेटिएका हुन् ।

अध्ययन अनुसार ६ दिनको अवधिमा त्यहाँ ७२० वटा वनघोडा भेटिएका छन् । उकाली प्रोजेक्टका रिन्जिन फुन्जोक लामाले आफूहरूले अध्ययन गरेको बताए ।

यो बाटो मानसरोवर-कैलाश दूरदर्शन गर्न जाने बाटो हो । नाम्खा गाउँपालिकामा ठूलो मात्रमा हिउँचितुवा पनि भेटिने गरेका छन् ।

सबै तस्वीरहरु : नरजन तामाङ ।