४ जेठ, काठमाडौं । मजदुर आन्दोलनका कारण एक सातादेखि बन्द होटल हायात मंगलबार रातीदेखि नियमित सञ्चालनमा आएको छ । सेवा–सुविधा कटौतीको बिरोधमा श्रमिकले आन्दोलन थालेपछि जेठ ३० गतेदेखि होटल बन्द थियो ।
मजदुर र व्यववस्थापनबीचको विवाद समाधान गर्न सरकारले समन्वय गर्ने भएपछि आन्दोलित श्रमिकहरुले आन्दोलन स्थगित गरेका हुन् । होटल हायातका जनसम्पर्क निर्देशक गोविन्दराम परियारले आन्दोलितमध्ये केही कर्मचारी मंगलबार साँझ र अन्य बुधबार बिहान ८ बजेदेखि नियमित काममा फर्कीको जानकारी दिए ।
पछिल्लो ६ दिनदेखि बन्द पाँचतारे होटल हायात विवाद समाधान गर्न श्रम तथा रोजगार कार्यालय काठमाडौं बागमतीले मंगलबार आन्दोलनरत पक्ष र होटल व्यवस्थापनलाई पत्र लेख्दै वार्तामा बस्न आग्रह गरेको थियो ।
व्यवसायिक वातावरण नबिग्रने गरी दुवै पक्षले आ–आफ्नो अडान थाँती राखेर श्रम कार्यालयको मध्यस्थतामा वार्ता गर्न कार्यालयले पत्र लेखेको थियो ।
आन्दोलनरत कर्मचारीले माफी नमागेसम्म होटलको सेवा सुचारु नहुने अडान व्यवस्थापनले लिएको थियो । यता कटौती गरिएको सेवा सुबिधा पुनःस्थापना नभएसम्म आन्दोलन नरोकिने भन्दै मजदुरहरुले धर्नालाई निरन्तरता दिएका थिए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House on sale")
प्रतिक्रिया 4