९ असार, काठमाडौं । विश्वकप क्रिकेटमा बंगलादेशले अफगानिस्तानलाई २६३ रनको लक्ष्य दिएको छ ।
इंग्ल्यान्डको साउथह्याम्पटनमा टस हारेर पहिले ब्याटिङ गरेको बंगलादेशले निर्धारित ५० ओभरमा सात विकेटको क्षतिमा २६२ रन बनाएपछि अफगानिस्तानले मध्यम लक्ष्य पाएको हो ।
बंगलादेशको मध्यम स्कोरमा मुस्फिकर रहिमले सर्वाधिक ८३ रन बनाए । ८७ बलमा उनले चार चौका र एक छक्का प्रहार गरे ।
त्यस्तै, सकिब अल हसनले ५१ रन बनाए । यता, तमिम इकबलले ३६ रन बनाउँदा मोसाद हुसेनले ३५ रन बनाए ।
बलिङतर्फ मुजिब उर रहमानले तीन र गुल्बादिन नाइबले दुई विकेट लिए ।
