२० असार, काठमाडौं । विश्वकप क्रिकेटमा बंगलादेशविरुद्ध पाकिस्तानका इमाम उल हकले शतक बनाएका छन् ।
उनले ९९ बलमा १०० रन पूरा गरेका हुन् । जारी विश्वकपमा इमामले पहिलो शतक बनाएका हुन् । उनले जारी विश्वकपमा एक अर्धशतक बनाएका छन् ।
सय रन पूरा गरेसँगै उनी आउट पनि भएका छन् । उनले सय रन बनाउने क्रममा सय बलमा सात चौका प्रहार गरे । यसअघि दोस्रो विकेटको रुपमा आउट भएका बाबर अजाम पनि शतक बनाउनबाट चार रनले चुकेका थिए । उनले ९६ रन बनाएर आउट भए ।
