२८ असार, भोजपुर । भोजपुरको रामप्रसाद राई गाउँपालिका ५ तुन्ताङमा पहिरोले घर पुरिँदा एकै परिवारका तीन जना वेपत्ता भएका छन् । शनिबार बिहान मान्छा घरमाथि पहिरो खस्दा ३५ वर्षीया मनकुमारी राई तथा उनका दुई छोराहरु १७ वर्षीय शिव कुमार र १५ वर्षीय शक्तिकुमार सम्पर्कविहीन भएका हुन् ।
उनीहरुको खोजी कार्य जारी रहेको जिल्ला प्रहरी कार्यालय भोजपुरका डिएसपी नरबहादुर सलामीले जानकारी दिए ।
‘बिहान मकै भुट्न भान्छामा छिरेलगत्तै पहिरो आएको र उनीहरुको अवस्था थाहा नभएकाले खोजी कार्य जारी छ,’ डिएसपी सलामीले भने, ‘निरन्तर पहिरो गइरहेकाले उद्धार गर्न पनि कठिनाई भइरहेका छ ।’
उद्धारका लागि मानेभन्जाङ प्रहरी टोली घटनास्थलमा परिचालन गरिएको उनले जानकारी दिए ।
